ქვეყნის პირველი პირები სეულის ტრაგედიის გამო სამძიმარს გამოთქვამენ 

საქართველოს პრეზიდენტმა, სალომე ზურაბიშვილმა, საგარეო საქმეთა მინისტრმა ილია დარჩიაშვილმა და პარლამენტის თავმჯდომარემ შალვა პაპუაშვილმა სეულში ჰელოუინის დღესასწაულის აღნიშვნისას მომხდარი ტრაგედიის გამო სამძიმარი გამოთქვეს.

29 ოქტომბერს, სამხრეთ კორეის დედაქალაქში ჭყლეტისას 150-ზე მეტი ადამიანი დაიღუპა და ათობით დაშავდა. მათი უმეტესობა ახალგაზრდები იყვნენ.

„ჩემი ფიქრები სამხრეთ კორეის ხალხთანაა, სადაც სეულში ტრაგედია მოხდა. საქართველო კორეელი ხალხისა და დაღუპულთა ოჯახების გვერდითაა“, – დაწერა პრეზიდენტმა სალომე ზურაბიშვილმა Twitter-ზე.

საგარეო საქმეთა მინისტრმა ილია დარჩიაშვილმა მწუხარება გამოთქვა მომხდართან დაკავშირებით, დაღუპულთა ოჯახებს მიუსამძიმრა, ხოლო დაშავებულებს სწრაფი გამოჯანმრთელება უსურვა. „ამ რთულ დროს საქართველო სამხრეთ კორეის გვერდით დგას“, -დაწერა მან Twitter-ზე.

სამხრეთ კორეის მოსახლეობას სოლიდარობა Twitter-ით გამოუცხდა შალვა პაპუაშვილმაც და გარდაცვლილთა ოჯახის წევრების მიუსამძიმრა.

This post is also available in: English (ინგლისური) Русский (რუსული)