საქართველოსა და ესტონეთის საგარეო საქმეთა მინისტრებმა ტელეფონით ისაუბრეს
საქართველოს საგარეო საქმეთა მინისტრი, ილია დარჩიაშვილი 28 აპრილს ესტონელ კოლეგას, ევა-მარია ლიიმეტსს ტელეფონით ესაუბრა და მასთან ორმხრივი ურთიერთობები, ევროპული უსაფრთხოება და საქართველოს ევროპული ინტეგრაციის საკითხი განიხილა.
„მინისტრმა [დარჩიაშვილმა] ხაზი გაუსვა საქართველოს პრიორიტეტების რეალიზაციის პროცესში პარტნიორთა მტკიცე თანადგომის მნიშვნელობას“, – ნათქვამია საგარეო უწყების განცხადებაში.
ამავე ინფორმაციით, საქართველოს საგარეო უწყების ხელმძღვანელმა „ევროპული ინტეგრაციის გზაზე, ასოცირებული ტრიოს (საქართველო, უკრაინა, მოლდოვა) ქვეყნების საერთო ინტერესების გათვალისწინების მნიშვნელობას“ გაუსვა ხაზი.
„ჩვენ დიდად ვაფასებთ ჩვენი ქვეყნის მიმართ [ესტონეთის] მტკიცე მხარდაჭერას“, – დაწერა ილია დარჩიაშვილმა Twtter-ზე.
Congratulated my colleague @iliadarch on the occasion of appointment as the 🇬🇪FM. Touched also upon the 🇪🇺 integration & security environment across Europe, including our unwavering support to🇺🇦's territorial integrity. Looking forward to meet in person soon. pic.twitter.com/WCB37nHF9Q
— Eva-Maria Liimets (@eliimets) April 28, 2022
თავის მხრივ, ევა მარია ლიიმეტსმა ასევე Twitter-ზე დაწერა, რომ ორმა დიპლომატმა საქართველოს ევროპულ ინტეგრაციაზე და ევროპის მასშტაბით უსაფრთხოების გარემოზე იმსჯელეს, მათ შორის, ესტონეთის ურყევ მხარდაჭერაზე უკრაინის ტერიტორიული მთლიანობის მიმართ.
ასევე წაიკითხეთ:
- ესტონეთი საქართველოს ევრო-ატლანტიკურ მისწრაფებებს მხარს უჭერს
- საქართველომ ევროკავშირის წევრობის თვითშეფასების კითხვარი მიიღო
- მედია: ესტონეთის პრემიერმა ირაკლი ღარიბაშვილს დიპლომატებზე მიყურადების გამო უსაყვედურა
This post is also available in: English (ინგლისური) Русский (რუსული)
