აშშ-ის საელჩო: 19 აპრილის შეთანხმება მოსამართლეთა დანიშვნების შეჩერებას ითვალისწინებს
საქართველოში აშშ-ის საელჩომ დღეს Twitter-ზე დაწერა, რომ 19 აპრილის შეთანხმების ხელმოწერით, მმართველი პარტია და ოპოზიცია შეთანხმდნენ, რომ მოსამართლეთა დანიშვნების პროცესს შეაჩერებდნენ, ასევე „ყოვლისმომცველ და ინკლუზიურ სასამართლო რეფორმას“ განახორციელებდნენ, მათ შორის, მიიღებდნენ „ახალ კანონმდებლობას უზენაესი სასამართლოს მოსამართლეთა კანდიდატებზე“.
საელჩომ ევროკავშირის მედიაციით მიღწეული შეთანხმების ნაწყვეტიც გამოაქვეყნა, სადაც სასამართლო რეფორმისა და დანიშვნების შესახებ მონაკვეთები გაყვითლებულია.
საელჩოს Twitter-ის განცხადებას წინ უძღვოდა ქართული ოცნების თავმჯდომარის, ირაკლი კობახიძის ბრიფინგი, სადაც აღნიშნა, რომ პარლამენტი უზენაესი სასამართლოს მოსამართლეთა დანიშვნის პროცესს არ შეაჩერებს, რადგანაც სასამართლო ხელისუფლებასთან დაკავშირებული საკანონმდებლო ცვლილებები მმართველმა პარტიამ 19 აპრილის შეთანხმებამდე უკვე მიიღო.
ასევე წაიკითხეთ:
- ქართული ოცნების თქმით, პარლამენტი უზენაესი სასამართლოს მოსამართლეთა დანიშვნებს არ შეაჩერებს
- კელი დეგნანი „უკიდურესად იმედგაცრუებულია“ მოსამართლეთა წარდგენების გამო
- პარლამენტმა საერთო სასამართლოების შესახებ კანონში ცვლილებები მიიღო
- ვენეციის კომისია სასამართლოებზე კანონში ცვლილებებს მიესალმება და რეკომენდაციების შესრულებისკენ მოუწოდებს
- ამერიკელმა სენატორებმა 19 აპრილის შეთანხმების „სრულად განხორციელებაზე“ ორპარტიული რეზოლუცია წარადგინეს
This post is also available in: English (ინგლისური) Русский (რუსული)
