საქართველოს ბანკმა უკრაინული ბანკი იყიდა

საქართველოს ბანკმა 10 ოქტომბერს განაცხადა, რომ მან 81.7 მილიონ დოლარად უკრაინის განვითარებისა და პარტნიორობის უნივერსალური ბანკი (UBDP) იყიდა.

უკრაინის ეროვნული ბანკის ცნობით, UBDP-ის, რომელიც საშუალო სიდიდის ბანკია, საბაზრო წილი 0.22%-ს შეადგენს; 0.25% – კრედიტის სახით და 0.21% – დეპოზიტების სახით. UBDP, რომელიც უკრაინაშია განთავსებული, 20 000 ინდივიდუალურ და 2 500 კორპორატიულ კლიენტს 39 ფილიალის მეშვეობით ემსახურება.

საქართველოს ეროვნული ბანკის ცნობით, საქართველოს ბანკი უმსხვილესი ბანკია აქტივების, კრედიტებისა და დეპოზიტების თვალსაზრისით, რომლის  წილიც ქართულ ბაზარზე 34%-ს შეადგენს. იგი 104 ფილიალის მეშვეობით 500 ათას კლიენტს ემსახურება.      

”ამ თვალსაზრისით, გარდა UBDP-ისა, ჩვენ გვყავს მსხვილი და წარმატებული შუამავალი შვილობილი კომპანია უკრაინაში, ეს ქვეყანა ნამდვილად გახდა ჩვენი მეორე მშობლიური ბაზარი,” – განაცხადა საქართველოს ბანკის სამეთვალყურეო საბჭოს თავმჯდომარემ ლადო გურგენიძემ.

This post is also available in: English (ინგლისური) Русский (რუსული)