ეკონომიკური განვითარების მინისტრი აშშ-ში გაემგზავრა

ეკონომიკური განვითარების მინისტრი გიორგი არველაძე დღეს ამერიკის შეერთებულ შტატებში გაემგზავრა, სადაც საქართველო-აშშ-ს შორის ეკონომიკური თანამშრომლობის საკითხებს განიხილავს.

ეკონომიკური განვითარების სამინისტროს ინფორმაციით, ვიზიტისას ასევე დაგეგმილია საქართველოსა და აშშ-ს შორის პირდაპირი საჰაერო მიმოსვლის შესახებ და ვაჭრობის და ინვესტიციების მოზიდვის შესახებ ხელშეკრულებების გაფორმება.

ეკონომიკის მინისტრის გიორგი არველაძის განცხადებით,  აშშ-ში ვიზიტისას განიხილება სავაჭრო ურთიერთობები, ასევე  ამერიკიდან საქართველოში უფრო მეტი ინვესტიციის მოზიდვის საკითხები.

”ჩვენ გვექნება ძალიან მნიშვნელოვანი შეხვედრები როგორც პოლიტიკურ, ასევე ბიზნეს წრეებთან,”- განუცხადა ჟურნალისტებს გამგზავრებამდე გიორგი არველაძემ. 

This post is also available in: English (ინგლისური) Русский (რუსული)