გავრცელებული ინფორმაციით, ირინა სარიშვილი დააკავეს

საქართველო-სომხეთის საზღვრის გადმოკვეთისას, სადახლოს გამშვებ პუნქტზე ოპოზიციური პარტია ”იმედის” ლიდერი ირინა სარიშვილი დააკავეს, იტყობინებიან ტელეკომპანიები ”იმედი” და ”რუსთავი 2”.

გავრცელებული ინფორმაციით, სარიშვილს აღმოაჩნდა 58 ათასი აშშ დოლარი, 7 ათასი რუსული რუბლი და 300 გრამი ოქრო, რის გამოც მისი დაკითხვა მიმდინარეობს.

უცნობია, თუ კონკრეტულად რის საფუძველზე იქნა დაკავებული უშიშროების ყოფილი შეფის, ძებნილი იგორ გიორგაძის მოკავშირე ირინა სარიშვილი.

This post is also available in: English (ინგლისური) Русский (რუსული)