ქართველი და რუსი დიპლომატები ნატოსთან თანამშრომლობას განიხილავენ

დღეს თბილისში ნატო-სთან თანამშრომლობის საკითხებზე საქართველოსა და რუსეთის საგარეო საქმეთა სამინისტროების წარმომადგენელთა კონსულტაციები გაიმართება.

საქართველოს საგარეო საქმეთა სამინისტროს ინფორმაციით, შეხვედრაზე ქართულ დელეგაციას სამინისტროს პოლიტიკური დეპარტამენტის დირექტორი დავით დონდუა, ხოლო რუსულ დელეგაციას რუსეთის საგარეო უწყების დსთ-ს ქვეყნების მეოთხე დეპარტამენტის დირექტორი ანდრეი კელინი ხელმძღვანელობს.