ახალი ამბები
პრეზიდენტი ეროვნულ უმცირესობებს ორმაგ მოქალაქეობას სთავაზობს
საქართველოს პრეზიდენტის განცხადებით, იგი მზად არის მიანიჭოს ორმაგი მოქალაქეობა ქართველების გარდა, ეროვნულ უმცირესობათა წარმომადგენლებსაც, “მათი სურვილის მიხედვით“.
“ყველას ვინც ადრე ცხოვრობდა აქ [საქართველოში] შეუძლია მიიღოს ორმაგი მოქალაქეობა. ჩვენ ვართ მრავალეროვანი, ტოლერანტული, მრავალრელიგიური ქვეყანა“, განაცხადა 3 მაისს პრეზიდენტმა სტუდენტებთან შეხვედრის დროს.
მიხეილ სააკაშვილის თქმით, მუშავდება უმცირესობათა ინტეგრაციის პროექტი და იქმნება სკოლები, მათთვის ქართული ენის შესასწავლად.
“მათ [ეროვნულ უმცირესობებს] უნდა ესმოდეთ, რომ ქართულ სახელმწიფო აპარტში მათთვისაც არის ადგილი“, დასძინა პრეზიდენტმა.