თბილისს ნორვეგიის საგარეო საქმეთა მინისტრი ეწვევა
დღეს თბილისში ორდღიანი ოფიციალური ვიზიტით ნორვეგიის საგარეო საქმეთა მინისტრი, ევროპის საბჭოს მინისტრთა კომიტეტის თავმჯდომარე იან პეტერსენი ჩამოდის.
დაგეგმილია შეხვედრები საქართველოს პრეზიდენტთან მიხეილ სააკაშვილთან, პრემიერ-მინისტრთან ზურაბ ჟვანიასთან, საგარეო საქმეთა მინისტრთან სალომე ზურაბიშვილთან, საქართველოში აშშ-ს საგანგებო და სრულუფლებიან ელჩთან რიჩარდ მაილსთან და ევროკავშირის წევრი ქვეყნების ელჩებთან.
შეხვედრების დროს საუბარი შეეხება საქართველო-ნორვეგიას შორის არსებულ ურთიერთობებს და მომავალი თანამშრომლობის პერსპექტივებს, ასევე საქართველოში მიმდინარე პროცესებს, აფხაზეთსა და ცხინვალის რეგიონში შექმნილ ვითარებას, ევროსტრუქტურებში ინტეგრაციისა და საერთაშორისო ორგანიზაციებთან ურთიერთობების საკითხებს.
This post is also available in: English (ინგლისური) Русский (რუსული)
