აჭარის საკანონმდებლო ორგანო მუშაობას შეუდგა

აჭარის ავტონომიური რესპუბლიკის საკანონმდებლო ორგანოს – აჭარის უმაღლესი საბჭოს – პირველი სხდომა 20 ივლისს გაიმართება.

საქართველოს პრეზიდენტი მიხეილ სააკაშვილი ბათუმში 19 ივლისს გაემგზავრა უმაღლესი საბჭოს პირველ სხდომაზე დასასწრებად.

აჭარაში 20 ივნისს გამართული ადგილობრივი არჩევნების შედეგად, პრეზიდენტ სააკაშვილის მხარდამჭრმა “გამარჯვებული აჭარა“-მ 30-კაციან საკანონმდებლო ორგანოში 28 მანდატი მოიპოვა. დარჩენილი ორი ადგილი ოპოზიციური “რესპუბლიკური პარტიის“ წარმომადგენლებმა დაიკავეს.

აჭარის უმაღლესი საბჭოს თავმჯდომარე და კომიტეტების თავმჯდომარეები საკანონმდებლო ორგანოს პირველ სხდომაზე იქნებიან არჩეულნი.        

This post is also available in: English (ინგლისური) Русский (რუსული)