ცსკ-ს თავმჯდომარე მოსახლეობას აქტიურობისკენ მოუწოდებს

ცენტრალური საარჩევნო კომისიის (ცსკ) თავმჯდომარემ ზურაბ ჭიაბერაშვილმა მოსახლეობას არჩევნებში აქტიური მონაწილეობისკენ მოუწოდა.

ცსკ-ს მონაცემებით, 12 საათისთვის 449 ათასმა ამომრჩეველმა მიიღო არჩევნებში მონაწილეობა. წინასწარი რეგისტრაცია 2,2 მილიონმა ამომრჩეველმა გაიარა, თუმცა მათი ზუსტი რაოდენობა საარჩევნო უბნების დახურვის შემდეგ გახდება ცნობილი, რადგანაც რეგისტრაცია არჩევნების დღესაც გრძელდება.

არჩევნები ჩატარებულად გამოცხადდება იმ შემთხვევაში, თუ ამომრჩეველთა 1/3 მიიღებს მასში მონაწილეობას.