რუსეთის განცხადებით, ჩეჩენი მეომრები საქართველოს აფარებენ თავს

(თბილისი, 25 სექტემბერი, 2003, სივილ ჯორჯია) – რუსეთის ფედერალური სასაზღვრო სამსახურის წარმომადგენელთა განცხადებით, ჩეჩენი მებრძოლები საქართველოს აფარებენ თავს. 

“ჩეჩენთა შეიარაღებული ჯგუფები როგორც ჩეჩნეთში, ასევე საქართველოში იმყოფებიან”, – აცხადებენ რუსული საინფორფორმაციო საშუალებები ფედერალური სასაზღვრო სამსახურის დირექტორის მოადგილის ალექსანდრ მანილოვის სიტყვებზე დაყრდნობით. 

საქართველო უარყოფს ჩეჩენი სამხედროების საქართველოში ყოფნის ფაქტს.

საქართველოს უშიშროების სამინისტროს ცნობით, ჩეჩენთა შეიარაღებულმა ჯგუფებმა დატოვეს საქართველო მას შემდეგ, რაც პანკისის ხეობაში ანტიკრიმინალური ოპერაცია ჩატარდა.

This post is also available in: English (ინგლისური) Русский (რუსული)