![](https://civil.ge/wp-content/uploads/2020/01/%E1%83%98%E1%83%A0%E1%83%9B%E1%83%90-%E1%83%98%E1%83%9C%E1%83%90%E1%83%A8%E1%83%95%E1%83%98%E1%83%9A%E1%83%98-%E1%83%93%E1%83%90-%E1%83%93%E1%83%90%E1%83%95%E1%83%98%E1%83%97-%E1%83%97%E1%83%90%E1%83%A0%E1%83%AE%E1%83%90%E1%83%9C-%E1%83%9B%E1%83%9D%E1%83%A3%E1%83%A0%E1%83%90%E1%83%95%E1%83%98-%E1%83%90%E1%83%A5%E1%83%AA%E1%83%98%E1%83%90%E1%83%96%E1%83%94.-26-%E1%83%98%E1%83%90%E1%83%9C%E1%83%95%E1%83%90%E1%83%A0%E1%83%98-2020%E1%83%AC..jpg)
პატრიოტთა ალიანსმა საქართველოში NDI-ისა და IRI-ის აკრძალვის მოთხოვნით აქცია გამართა
საქართველოს პატრიოტთა ალიანსმა პარლამენტის ვიცე-სპიკერის ირმა ინაშვილის და პარტიის თავმჯდომარის დავით თარხან-მოურავის ორგანიზებით 26 იანვარს თბილისში აშშ-ის საელჩოს წინ საპროტესტო აქცია გამართა და საქართველოში აშშ-ის ეროვნულ-დემოკრატიული ინსტიტუტის და საერთაშორისო რესპუბლიკური ინსტიტუტის აკრძალვა მოითხოვა.
პარტიის ლიდერებმა NDI-ის დირექტორის ლორა თორნტონის წინააღმდეგ „პოლიტიკური კორუფციის“ ბრალდებით გამოძიების დაწყება მოითხოვეს.
პატრიოტთა ალიანსის საპროტესტო აქციას წინ ეროვნულ-დემოკრატიული ინსტიტუტის მიერ 16 იანვარს საზოგადოებრივი აზრის კვლევის შედეგების გამოქვეყნება უძღოდა. ირმა ინაშვილმა განაცხადა, რომ NDI-მ გამოკითხვის შედეგები განზრახ შეცვალა და რომ ლორა თორნტონი ერთიანი ნაციონალური მოძრაობის სასარგებლოდ პოლიტიკურად მიკერძოებულია.
This post is also available in: English (ინგლისური) Русский (რუსული)