ხაინდრავა კოკოითს შეხვდა

საქართველოს სახელმწიფო მინისტრი კონფლიქტების მოგვარების საკითხებში გოგა ხაინდრავა 12 ივნისს ცხინვალში სამხრეთ ოსეთის დე ფაქტო პრეზიდენტს ედუარდ კოკოითს შეხვდა.

მხარეებმა 6 ივნისს კონფლიქტის ზონაში გაუჩიანერებული ოთხი ქართველის საკითხი განიხილეს, რომელთა ბედი კვლავ გაურკვეველია.

კოკოითთან შეხვედრის შემდეგ ხაინდრავამ ჟურნალისტებს განუცხადა, რომ რაც დრო გადის დაკარგული პიროვნებების მოძებნის შანსები სულ უფრო კლებულობს.

“კოკოითს რამე რომ ცოდნოდა, რა თქმა უნდა, იტყოდა. იგი არ არის დაინტერესებული ინფორმაციის დამალვაში. თუმცა საქმე იმაში მდგომარეობს, რომ იქ [თვითგამოცხადებულ რესპუბლიკაში] შიდა პრობლემები არსებობს. იქ ბევრი უკონტროლო შეიარაღებული დაჯგუფებაა,“ განუცხადა ხაინდრავამ ჟურნალისტებს.

This post is also available in: English (ინგლისური) Русский (რუსული)