იტალიელი ჟურნალისტი ჯაკომო ფერარა საქართველოში არ შემოუშვეს

იტალიელი ჟურნალისტი ჯაკომო ფერარა 29 სექტემბერს საქართველოში არ შემოუშვეს მას შემდეგ, რაც მან უარი თქვა 5 000 ლარის ოდენობის ჯარიმის გადახდაზე, რომელიც ქართული სასაზღვრო პოლიციის თქმით, თბილისში მარტში გამართულ აქციაზე მის ყოფნას უკავშირდება. როგორც ჩანს, ჯარიმა, წინა სხვა შემთხვევების მსგავსად, „გზის გადაკეტვას“ უკავშირდება.

ფერარას თქმით, მან სასაზღვრო პოლიციას უთხრა, რომ აქციებზე მისი ყოფნა მის პროფესიულ საქმიანობას უკავშირდებოდა. „მე არ ვარ აქტივისტი ან მომიტინგე. ჩემი საქმეა დაკვირვება, დოკუმენტირება და ინფორმაციის გავრცელება – სხვა არაფერი“, – დაწერა მან 3 ოქტომბერს „ინსტაგრამის“ გვერდზე.

ფერარამ განაცხადა, რომ იტალიურ გაზეთ „La Ragione“-სთვის 4 ოქტომბრის ადგილობრივი არჩევნების გაშუქებას გეგმავდა და რომ საქართველოს ცენტრალურ საარჩევნო კომისიას მისი ყოფნის შესახებ ინფორმაცია მიეწოდა. მან დასძინა, რომ მან სამართალდამცველებს შესაბამისი დოკუმენტაცია აჩვენა, „რომელიც მათ გადაიღეს, თუმცა მათი ერთადერთი საზრუნავი დაუყოვნებლივ გადახდის მოთხოვნა იყო“. ჟურნალისტის თქმით, მან გადახდაზე უარი განაცხადა.

This post is also available in: English