ახალი ამბები
სასამართლომ ნარკოდანაშაულში ბრალდებული ნიკა კაცია უდანაშაულოდ ცნო
ნარკოდანაშაულში ბრალდებული მომიტინგე და ჟურნალისტი, ნიკა კაცია სასამართლომ უდანაშაულოდ ცნო და სხდომათა დარბაზიდან გაათავისუფლა.
თბილისის საქალაქო სასამართლოს მოსამართლე თამარ მჭედლიშვილმა განაჩენი 3 სექტემბერს გამოიტანა. 42 წლის კაციას ბრალად ედებოდა დიდი რაოდენობით ნარკოტიკული საშუალებების უკანონო შეძენა და შენახვა, რაც 8-დან 20 წლამდე თავისუფლების აღკვეთით ან სამუდამო პატიმრობით ისჯება. კაციამ თავი უდანაშაულოდ ცნო, ხოლო მისი ადვოკატების თქმით, ნარკოტიკები მას პოლიციამ მისი აქტიურობის გამო ჩაუდო.
კაცია, რომელიც 7 დეკემბერს დააკავეს, ნარკოდანაშაულის ბრალდებით დაკავებულ იმ ექვს პირს შორის იყო, რომლებიც ამტკიცებდნენ, რომ პოლიციამ მათ ნარკოტიკები საპროტესტო აქციებში მონაწილეობის გამო ჩაუდო.
This post is also available in: English