ახალი ამბები
ნაციონალური მოძრაობის ახალგაზრდული ორგანიზაციის მდივანი დააკავეს
კანცელარიასთან გამართულ აქციაზე, პოლიციამ ნაციონალური მოძრაობის ახალგაზრდული ორგანიზაციის მდივანი, იგორ ნარმანია დააკავა, როდესაც იგი მთავრობის ადმინისტრაციის შენობის მახლობლად ასფალტზე საღებავით წარწერის გაკეთებას აპირებდა. ნარმანია ახალგაზრდების ჯგუფთან ერთად პრემიერ-მინისტრ ირაკლი ღარიბაშვილის სავარაუდო კორუფციას აპროტესტებდა და მის გადადგომას ითხოვდა.
პრემიერ-მინისტრ ირაკლი ღარიბაშვილის მიერ სამთავრობო თვითმფრინავის გამოყენებას ოჯახის წევრებთან ერთად შეერთებულ შტატებში გასამგზავრებლად სკანდალი მოყვა. ინციდენტს ღარიბაშვილის იმპიჩმენტის გეგმების შესახებ ოპოზიციის განცხადება მოყვა.
This post is also available in: English (ინგლისური) Русский (რუსული)
