სუსი ცხინვალის საოკუპაციო ხაზის გასწვრივ „ბორდერიზაციის“ შესახებ იტყობინება

საქართველოს სახელმწიფო უსაფრთხოების სამსახურმა (სუსი) 14 ივნისს განაცხადა, რომ რუსეთის საოკუპაციო ძალების წარმომადგენლებმა გორის მუნიციპალიტეტის სოფელ ხურვალეთის მიმდებარე ოკუპირებულ ტერიტორიაზე 2022 წელს დაწყებული უკანონო ე.წ. ბორდერიზაციის პროცესი განაახლეს, რომლის ფარგლებში უკანონოდ დაამონტაჟეს ლითონის ბოძები და მავთულხლართები.  

ამავე ინფორმაციით, ინციდენტთან დაკავშირებით, დაუყოვნებლივ გააქტიურდა ცხელი ხაზი და ინფორმაცია ეცნობა საქართველოში ევროკავშირის სადამკვირვებლო მისიას და ჟენევის საერთაშორისო დისკუსიების თანათავმჯდომარეებს.

უსაფრთხოების სამსახურმა აღნიშნა, რომ თბილისი აპირებს, რომ საკითხი ერგნეთის ინციდენტების პრევენციისა და მათზე რეაგირების მექანიზმის შეხვედრის ფარგლებში, ასევე ჟენევის საერთაშორისო დისკუსიებზე წამოაყენოს.

„საოკუპაციო ხაზის გასწვრივ განხორციელებულ თითოეულ დესტრუქციულ ქმედებაზე სრული პასუხისმგებლობა ეკისრება საოკუპციო ძალას“, – ნათქვამია სუსის განცხადებაში.

ასევე წაიკითხეთ:

• 07/10/2022 – სუსი ცხინვალის საოკუპაციო ხაზთან უკანონო ბორდერიზაციას გმობს

• 02/10/2022 – სუსი ცხინვალის საუკუპაციო ხაზთან უკანონო „ბორდერიზაციაზე“ საუბრობს

• 30/09/2022 – სუსი ცხინვალის საოკუპაციო ხაზთან უკანონო „ბორდერიზაციაზე“ საუბრობს

• 20/08/2022 – სუსი გმობს ცხინვალის საოკუპაციო ხაზთან მიმდინარე „ბორდერიზაციას“

This post is also available in: English (ინგლისური) Русский (რუსული)