ბერძენი და თურქი ლიდერები 14 ივნისს პირისპირ შეიყრებიან

საბერძნეთის პრემიერ-მინისტრი კირიაკოს მიცოტაკისი და თურქეთის პრეზიდენტი რეჯებ თაიფ ერდოღანი 14 ივნისს, ბრიუსელში, ნატოს სამიტის მიმდინარეობისას, ერთმანეთს პირისპირ შეხვდებიან – ამის შესახებ ბერძნული გაზეთი “კათიმერინი” იუწყება. შეხვედრების მომზადებაში ჩართული ოფიციალური პირების თქმით, დახურულ კარს მიღმა გულწრფელი საუბარი გაიმართება ორ მხარეს შორის დაძაბულობის განსამუხტი ღონისძიებების შესახებ.