საქსტატი: წლიურმა ინფლაციამ ივლისში 0.6%–ი შეადგინა

ბოლო ხუთი  თვის მანძილზე ზედიზედ ხუთი დეფლაციის შემდეგ, 2012 წლის ივლისში წინა წლის ანალოგიურ პერიოდთან შედარებით ინფლაციის დონემ საქართველოში 0,6%–ი შეადგინა, იტყობინება „საქსტატი“.

2012 წლის ივლისში წინა თვესთან შედარებით საქართველოში ინფლაციის დონემ -0,9% შეადგინა.

მართალია ივლისში სურსათზე ფასები 1%–ით შემცირდა წინა წლის შესაბამის პერიოდთან შედარებით, სატრანსპორტო მომსახურების ფასები 7%–ით გაიზარდა. თავის ყოველთვიურ ანგარიშებში „საქსტატი“ ცალკე აღწერდა საწვავის ფასების ცვილილებებს, თუმცა ბოლო პერიოდში ამის გაკეთება შეწყვიტა.

სასტუმროებში, კაფეებსა და რესტორნებში მომსახურების ფასები ივლისში 4.7%–ით გაიზრდა წინა წლის შესაბამის პერიოდთან შედარებით.

This post is also available in: English Русский