საზოგადოებრივი მაუწყებლის დირექტორის ვაკანტურ თანამდებობაზე კონკურსი გამოცხადდა

საზოგადოებრივი მაუწყებლის სამეურვეო საბჭომ დღეს გამართულ პირველ სხდომაზე დააკმაყოფილა არხის გენერალური დირექტორის თამარ კინწურაშვილის განცხადება გადადგომის თაობაზე და მის ვაკანტურ თანამდებობაზე კონკურსი გამოაცხადა.

კონკურსის პირობები საზოგადოებრივი მაუწყებლის ვებ-გვერდზე განთავსდება. გენერალური დირექტორის მოვალეობას კი დროებით ლევან გიორგაძე, გენერალური დირექტორის მოადგილე შეასრულებს, იუწყება საზოგადოებრივი მაუწყებელი.

დღესვე 9-წევრიანმა სამეურვეო საბჭომ თავმჯდომარედ ირაკლი ტრიპოლსკი აირჩია, რომელიც გავრცელებული ინფორმაციით, ოპოზიციის რეკომენდირებული კადრია; ხოლო მის მოადგილედ ლევან გახელაძეს დაუჭირა მხარი. გახელაძე მმართველი პარტიის პროტეჟეა.

This post is also available in: English (ინგლისური) Русский (რუსული)