
ახალი ამბები
ნატოში საქართველოს თავდაცვის რეფორმები განიხილეს
17 მაისს ბრიუსელში ნატო-ს შტაბბინაში გაიმართა პოლიტიკური და სამხედრო-პოლიტიკურ კომიტეტების გაერთიანებული სხდომა 26+1 ფორმატში, სადაც თავდაცვის სამინისტროს დელეგაციამ მინისტრის პირველი მოადგილის მამუკა კუდავას ხელმძღვანელობით წარმოადგინა თავდაცვის სტრატეგიული მიმოხილვის პროცესში მიღწეული პროგრესი.
თავდაცვის სტრატეგიული მიმოხილვის დოკუმენტის შემუშავება IPAP ფარგლებში საქართველოს მიერ აღებული ერთ-ერთი ვალდებულებაა.
თავდაცვის სამინისტროს ინფორმაციით, ნატო-ს წევრი ქვეყნების წარმომადგენლებმა ზოგადად დადებითი შეფასება მისცეს თავდაცვის რეფორმების პროცესს და დახმარება აღუთქვეს თავდაცვის სტრუქტურის შემდგომ მოდერნიზაციაში.