მარატ კულახმეტოვი თბილისის კრიტიკას პასუხობს

სამხრეთ ოსეთის კონფლიქტის ზონაში განთავსებული შერეული სამშვიდობო ძალების სარდალმა მარატ კულახმეტოვმა 17 იანვარს განაცხადა, რომ ქართული მხარე “ხელოვნულად ართულებს ვითარებას რუს სამშვიდობოთა გარშემო“.

“ეს უკავშირდება მოსალოდნელ საპარლამენტო მოსმენას ქართულ-ოსური კონფლიქტის ზონაში რუს სამშვიდობოთა ყოფნის შესახებ“, – განუცხადა კულახმეტოვმა “რია ნოვოსტის“ 17 იანვარს.

ეს განცხადება საქართველოს საგარეო საქმეთა სამინისტროს მიერ 16 იანვარს გაჟღერებული კრიტიკის საპასუხოდ გაკეთდა. ოფიციალურმა თბილისმა კულახმეტოვი პოლიტიკური განცხადებების გაკეთებაში დაადანაშაულა. 

This post is also available in: English (ინგლისური) Русский (რუსული)