ახალი ამბები
მთავრობა სამცხე-ჯავახეთის განვითარების პროექტზე მუშაობს
დღეს “სამცხე-ჯავახეთის რეგიონის განვითარების, პერსპექტივების და რეკომენდაციების” პროექტის პრეზენტაცია გაიმართა, რომელიც მიზნად ისახავს რეგიონში სოციალურ-ეკონომიკური ვითარების გაუმჯობესებას და რეგიონის ცენტრთან რეინტეგრაციას.
აღნიშნული პროექტის წარდგენას ინიციატორებთან – კონფლიქტების მოგვარების საკითხებში სახელმწიფო მინისტრისა და სამცხე-ჯავახეთში პრეზიდენტის რწმუნებულის აპარატის წარმომადგენლებთან ერთად, საერთშორისო ორგანიზაციების წარმომადგენლებიც ესწრებოდნენ, რომლებიც რეგიონში სხვადასხვა პროექტებს ახორციელებენ.
“ამიერიდან საერთაშორისო ორგანიზაციები ადგილობრივ ადმინიტრაციასთან კოორდინირებით განსაზღვრავენ დაფინანსების პრიორიტეტულ სფეროებს“, განუცხადა “სივილ ჯორჯიას“ სამცხე-ჯავახეთში პრეზიდენტის რწმუნებულმა გოგა ხაჩიძემ.