რუსული მედიის ცნობით, კრემლის მომხრე ბლოგერი პატრიკ ლანკასტერი საქართველოში არ შემოუშვეს

ამერიკული წარმოშობის კრემლის მომხრე რუსი ბლოგერი პატრიკ ლანკასტერი რუსეთ-საქართველოს სახმელეთო საზღვრიდან საქართველოში არ შემოუშვეს, განაცხადა რუსულმა საინფორმაციო სააგენტო „რია ნოვოსტიმ“ 24 სექტემბერს. გამოცემის თანახმად, ლანკასტერი, რომელიც მეუღლესთან ერთად ცდილობდა ქვეყანაში შემოსვლას, ოთხსაათიანი ლოდინის შემდეგ უკან გააბრუნეს.

ლანკასტერმა განაცხადა, რომ მისი აზრით, მას ქვეყანაში შემოსვლა „ჟურნალისტად მუშაობის გამო“ აუკრძალეს. მისი თქმით, სომხეთში გამგზავრებამდე იგი და მისი მეუღლე თბილისიდან რეპორტაჟის გაკეთებას გეგმავდნენ. მან აღნიშნა, რომ მის მეუღლეს შესვლის უფლება მისცეს, თუმცა ქმრის გარეშე შესვლაზე მან უარი განაცხადა. ლანკასტერის შემთხვევა პირველია, როდესაც კრემლის მხარდამჭერ ჟურნალისტს უარი ეთქვა ქვეყანაში შემოსვლაზე.   

„რია ნოვოსტის“ ცნობით, ლანკასტერი ადრე აშშ-ის საზღვაო ფლოტში მსახურობდა სპარსეთის ყურის ომის დროს და 2014 წელს „შემთხვევით“ აღმოჩნდა დონბასში, სადაც დარჩა და გაშუქება დაიწყო. სააგენტოს ცნობით, ის ახლა პოსტსაბჭოთა სივრცეში, მათ შორის აფხაზეთიდან, სოციალური მედიით გაშუქებაზეა ორიენტირებული.

იმავე გამოცემამ აღნიშნა, რომ ლანკასტერი 2024 წლის დეკემბერში თბილისში გამართულ აქციებს აშუქებდა და „არაერთხელ გახდა რუსოფობი მომიტინგეების სამიზნე“.  

This post is also available in: English