თბილისის საქალაქო სასამართლომ რვა მომიტინგეს „საზოგადოებრივი წესრიგის დარღვევისთვის“ პატიმრობა შეუფარდა

თბილისის საქალაქო სასამართლომ ჯგუფური ძალადობის ორგანიზებაში ბრალდებულ რვა მომიტინგეს ბოლო მომენტში ბრალი გადაუკვალიფიცირა და „საზოგადოებრივი წესრიგის დარღვევისთვის“ 2 და 2,5 წლით თავისუფლების აღკვეთა შეუფარდა.

კერძოდ, სასამართლომ 225-ე მუხლის პირველი და მეორე ნაწილები 226-ე მუხლზე გადაუკვალიფიცირა, რაც ჯგუფური მოქმედების ორგანიზებას გულისხმობს, რომელიც საზოგადოებრივ წესრიგს არღვევს ან მასში აქტიურ მონაწილეობას გულისხმობს.

მოსამართლე თამარ მჭედლიშვილმა რვა ბრალდებულის წინააღმდეგ განაჩენი 2 სექტემბერს გამოაცხადა. სამ მათგანს – ზვიად ცეცხლაძეს, ვეფხია კასრაძესა და ვასილ კაძელაშვილს – თითოეულს ორი წლითა და ექვსი თვით თავისუფლების აღკვეთა, ხოლო დანარჩენებს – გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს – თითოეულს ორი წლით თავისუფლების აღკვეთა შეეფარდათ.

This post is also available in: English