საპროტესტო ჯარიმების გადაუხდელობა განმეორებითი ქმედებისთვის დაპატიმრებას გამოიწვევს

პირებს, რომლებიც არ გადაიხდიან ჯარიმებს ოთხი ადმინისტრაციული სამართალდარღვევისთვის, როგორიცაა წვრილმანი ხულიგნობა, პოლიციისადმი დაუმორჩილებლობა, საჯარო მოხელეების შეურაცხყოფა და საპროტესტო წესების დარღვევა, მათ შორის გზის გადაკეტვა ან სახის დაფარვა, განმეორებითი დანაშაულის შემთხვევაში პატიმრობა შეეფარდებათ.

შესაბამისი ცვლილებები „ქართული ოცნების“ პარლამენტმა 2 ივლისს ადმინისტრაციულ სამართალდარღვევათა კოდექსში მიიღო.

ცვლილებების თანახმად, თუ პირი ვერ გადაიხდის წინა ჯარიმას და კვლავ დამნაშავედ იქნება ცნობილი იმავე დანაშაულში, სასამართლოს აღარ ექნება სხვა ჯარიმის დაკისრების შესაძლებლობა და ვალდებული იქნება, პირს პატიმრობა შეუფარდოს.

ცვლილებებით ასევე იცვლება ჯარიმების გასაჩივრების პროცესი. შინაგან საქმეთა სამინისტროში გასაჩივრების ნაცვლად, პირებს ახლა პირდაპირ სასამართლოში მოუწევთ საჩივრის შეტანა.

This post is also available in: English