ეროვნულმა ბანკმა ფარცხალაძეს საბანკო აქტივებზე წვდომა და ფინანსური ტრანზაქციების შესრულება შეუზღუდა  

საქართველოს ეროვნულმა ბანკმა განაცხადა, რომ მან ოთარ ფარცხალაძეს საბანკო აქტივებზე წვდომა და ფინანსური ტრანზაქციების შესრულება შეუზღუდა, რითიც აღასრულა აშშ-ს ხაზინის უცხოური აქტივების კონტროლის ოფისის (OFAC) მიერ სანქციადაკისრებულ პირთა სიაში (SDN list) შეყვანილი პირების მიმართ დადგენილი მოთხოვნები. ბანკმა ხაზი გაუსვა, რომ ქართული საფინანსო სექტორი მოქმედებს სანქციათა რეჟიმებით გათვალისწინებული მოთხოვნების სრული დაცვით.

ეროვნულმა ბანკმა ასევე განაცხადა, რომ 2022 წლის 26 თებერვალიდან, საქართველოს ეროვნული ბანკის მითითებით საქართველოს ფინანსური ინსტიტუტები სრულად მოქმედებენ აშშ-ის, ევროკავშირისა და დიდი ბრიტანეთის მიერ რუსეთის ფედერაციის მიმართ დაწესებული ფინანსური სანქციების შესაბამისად. მისივე თქმით, სანქციათა მოთხოვნების შესრულების და შესაბამისი კონტროლის მექანიზმების დანერგვისას ერთიანი მიდგომების განსაზღვრის მიზნით, საქართველოს ეროვნული ბანკის პრეზიდენტის 2023 წლის 4 აგვისტოს №208/04 ბრძანებით დამტკიცდა „საქართველოს ეროვნული ბანკის ზედამხედველობას დაქვემდებარებული ანგარიშვალდებული პირების მიერ სანქციათა რეჟიმების შესრულების წესი“.

ასევე წაიკითხეთ:

• 18/09/2023 – ქართული ოცნება აშშ-ის მიერ სანქცირებული ოთარ ფარცხალაძის მხარდასაჭერად ერთიანდება
• 15/09/2023 – პოლიტიკოსთა შეფასებები ოთარ ფარცხალაძის დასანქცირებაზე

This post is also available in: English (ინგლისური) Русский (რუსული)