ევროკომისიამ ევროკავშირის კანონთა კრებულთან შესაბამისობის შესახებ ანალიტიკური ანგარიშები გამოაქვეყნა
ევროკომისიამ ევროკავშირის კანონთა კრებულთან (EU acquis) საქართველოს, მოლდოვისა და უკრაინის შესაბამისობის შესახებ ანალიტიკური ანგარიშები გამოაქვეყნა. ანალიტიკური ანგარიშები ავსებს ევროკომისიის მიერ 2022 წლის ივნისში გამოქვეყნებულ მოსაზრებებს, რომელიც მხოლოდ თანამშრომლობის რამდენიმე ძირითადად სფეროს ეხებოდა. მოცემული ანგარიშები კი გაწევრიანებისთვის თითოეული ქვეყნების მზაობას აფასებს.
ანგარიშები ეფუძნება სამი ქვეყნისთვის გაგზავნილ კითხვარებზე მიღებულ პასუხებს, ასევე მრავალი წლის განმავლობაში ჩატარებული ინტენსიური დიალოგის ფარგლებში მიღებულ ინფორმაციას.
ევროკავშირის წარმომადგენლობამ საქართველოში 3 თებერვალს განაცხადა, რომ „კომისია წარადგენს ანგარიშს სამი ქვეყნის წინსვლის შესახებ მოსაზრებებში განსაზღვრული პრიორიტეტების შესაბამისად განხორციელებული რეფორმების კუთხით, როგორც შემდეგი „გაფართოების პაკეტის“ ნაწილს, რომელიც შემოდგომაზე იგეგმება“. განცხადების თანახმად, ეს ანგარიშები გაითვალისწინებს 2022 წლის ივნისიდან მოყოლებული სხვადასხვა სექტორთან დაკავშირებული პოლიტიკის კუთხით განვითარებულ მოვლენებს და წარადგენს შესაბამის რეკომენდაციებს შემდგომ პერიოდში განსახორციელებელ რეფორმებთან დაკავშირებით.
ქვემოთ მოცემული ცხრილი ასახავს სამი ქვეყნის მზაობის შეფასებას სხვადასხვა სფეროებში:
| თავი | საქართველო | მოლდოვა | უკრაინა |
|---|---|---|---|
| თავი 24: მართლმსაჯულება, თავისუფლება და უსაფრთხოება | მომზადების გარკვეული დონე | მომზადების გარკვეული დონე | მომზადების გარკვეული დონე |
| თავი 5: საჯარო შესყიდვები | მომზადების გარკვეული დონე | მომზადების ადრეული დონე | მომზადების გარკვეული დონე |
| თავი 18: სტატისტიკა | მომზადების გარკვეული დონე | მომზადების გარკვეული დონე | მომზადების გარკვეული დონე |
| თავი 32: ფინანსური კონტროლი | მომზადების გარკვეული დონე | მომზადების ადრეული დონე | მომზადების ადრეული დონე |
| თავი 1: საქონლის თავისუფალი გადაადგილება | მომზადების გარკვეული დონე | მომზადების გარკვეული დონე | ზომიერად მომზადებული |
| თავი 2: მუშახელის თავისუფალი გადაადგილება | მომზადების ადრეული დონე | მომზადების ადრეული დონე | მომზადების ადრეული დონე |
| თავი 3: დაფუძნების უფლება და სერვისების მიწოდების თავისუფლება | ზომიერად მომზადებული | მომზადების გარკვეული დონე | მომზადების გარკვეული დონე |
| თავი 4: კაპიტალის თავისუფალი გადაადგილება | ზომიერად მომზადებული | მომზადების გარკვეული დონე | მომზადების გარკვეული დონე |
| თავი 6: მეწარმეობის შესახებ კანონმდებლობა | მომზადების გარკვეული დონე | მომზადების ადრეული დონე | მომზადების გარკვეული დონე |
| თავი 7: ინტელექტუალური საკუთრების დაცვის შესახებ კანონმდებლობა | მომზადების გარკვეული დონე | მომზადების გარკვეული დონე | მომზადების ადრეული დონე |
| თავი 8: კონკურენციის პოლიტიკა | მომზადების ადრეული დონე | მომზადების გარკვეული დონე | მომზადების გარკვეული დონე |
| თავი 9: ფინანსური სერვისები | მომზადების გარკვეული დონე | მომზადების ადრეული დონე | მომზადების გარკვეული დონე |
| თავი 28: მომხმარებელთა და ჯანმრთელობის დაცვა | მომზადების გარკვეული დონე | მომზადების გარკვეული დონე | მომზადების გარკვეული დონე |
| თავი 10: ციფრული ტრანსფორმაცია და მედია | მომზადების გარკვეული დონე | მომზადების გარკვეული დონე | ზომიერად მომზადებული |
| თავი 16: გადასახადები | მომზადების გარკვეული დონე | მომზადების ადრეული დონე | მომზადების გარკვეული დონე |
| თავი 17: ეკონომიკური და მონეტარული პოლიტიკა | ზომიერად მომზადებული | მომზადების გარკვეული დონე | ზომიერად მომზადებული |
| თავი 19: სოციალური პოლიტიკა და დასაქმება | მომზადების გარკვეული დონე | მომზადების ადრეული დონე | მომზადების ადრეული დონე |
| თავი 20: საწარმოების და ინდუსტრიული პოლიტიკა | ზომიერად მომზადებული | მომზადების გარკვეული დონე | მომზადების გარკვეული დონე |
| თავი 25: მეცნიერება და კვლევა | ზომიერად მომზადებული | ზომიერად მომზადებული | ზომიერად მომზადებული |
| თავი 26: განათლება და კულტურა | ზომიერად მომზადებული | მომზადების გარკვეული დონე | მომზადების გარკვეული დონე |
| თავი 29: საბაჟო კავშირი | ზომიერად მომზადებული | მომზადების გარკვეული დონე | მომზადების კარგი დონე |
| თავი 14: ტრანსპორტის პოლიტიკა | მომზადების გარკვეული დონე | მომზადების გარკვეული დონე | მომზადების გარკვეული დონე |
| თავი 15: ენერგეტიკა | მომზადების გარკვეული დონე | მომზადების გარკვეული დონე | მომზადების კარგი დონე |
| თავი 21: ტრანს-ევროპული ქსელები | მომზადების გარკვეული დონე | მომზადების გარკვეული დონე | მომზადების გარკვეული დონე |
| თავი 27: გარემო და კლიმატის ცვლილება | მომზადების ადრეული დონე | მომზადების ადრეული დონე | მომზადების ადრეული დონე |
| თავი 11: სოფლის მეურნეობა და სოფლის განვითარება | მომზადების ადრეული დონე | მომზადების ადრეული დონე | მომზადების ადრეული დონე |
| თავი 12: სურსათის უვნებლობა, ვეტერინარული და ფიტოსანიტარული პოლიტიკა | მომზადების გარკვეული დონე | მომზადების გარკვეული დონე | ზომიერად მომზადებული |
| თავი 13: თევზის რეწვა | მომზადების გარკვეული დონე | მომზადების ადრეული დონე | მომზადების ადრეული დონე |
| თავი 22: რეგიონული პოლიტიკა და სტრუქტურული ინსტრუმენტების კოორდინაცია | მომზადების ადრეული დონე | მომზადების ადრეული დონე | მომზადების გარკვეული დონე |
| თავი 33: ფინანსური და საბიუჯეტო დებულებები | მომზადების ადრეული დონე | მომზადების ადრეული დონე | მომზადების ადრეული დონე |
| თავი 30: საგარეო ურთიერთობები | ზომიერად მომზადებული | ზომიერად მომზადებული | მომზადების კარგი დონე |
| თავი 31: საგარეო, უსაფრთხოების და თავდაცვის პოლიტიკა | ზომიერად მომზადებული | ზომიერად მომზადებული | მომზადების კარგი დონე |
This post is also available in: English Русский