საქართველოს პრემიერმინისტრი თურქმენეთს სტუმრობს
საქართველოს პრემიერმინისტრი, ირაკლი ღარიბაშვილი უზბეკეთში ვიზიტის დასრულების შემდეგ 19 ივლისს თურქმენეთში ჩავიდა.
დღეს იგი თურქმენეთის პრეზიდენტს, სერდარ ბერდიმუჰამედოვს შეხვდა და მასთან ორი ქვეყნის ურთიერთობების გაღრმავებაზე, ერთობლივ პროექტებსა და საქართველოსა და თურქმენეთის სატრანზიტო პოტენციალზე იმსჯელა. შეხვედრაზე ირაკლი ღარიბაშვილმა აღნიშნა, რომ საქართველო აფასებს მჭიდრო პოლიტიკურ და ეკონომიკურ ურთიერთობას თურქმენეთთან.
Fruitful talks w/??'s president Serdar Berdimuhamedow. Discussed new opportunities for deepening trade and economic relations. Supporting projects to explore the potential of the ??'s strategic location in order to achieve mutually beneficial goals was top priority on our agenda! pic.twitter.com/unFDg1c7fS
— Irakli Garibashvili (@GharibashviliGe) July 20, 2022
მხარეებმა სტრატეგიული პროექტების განხორციელების მნიშვნელობაზე ისაუბრეს, რაც, მათი თქმით, „გაზრდის აზიასა და ევროპას შორის ტვირთების გადაზიდვის ეფექტურობასა და უსაფრთხოებას კასპიისა და შავი ზღვების გავლით, რითაც გაფართოვდება სავაჭრო და ეკონომიკური ურთიერთობები“.
საქართველოს მთავრობის ადმინისტრაციის პრესსამსახურის ინფორმაციით, საუბარი ასევე შეეხო „ენერგეტიკის სექტორში სტრატეგიულ პარტნიორობას და არსებული თანამშრომლობის კიდევ უფრო გაღრმავების მზაობა გამოითქვა“.
თურქმენეთში ირაკლი ღარიბაშვილთან ერთად ასევე იმყოფებიან თბილისის მერი, კახა კალაძე; საგარეო საქმეთა მინისტრი, ილია დარჩიაშვილი და ეკონომიკის მინისტრი, ლევან დავითაშვილი.
ასევე წაიკითხეთ:
