ფილიპ რიკერი პრემიერ-მინისტრს, პატრიარქსა და გიორგი გახარიას შეხვდა
ამერიკის შეერთებული შტატების სახელმწიფო მდივნის თანაშემწის მოვალეობის შემსრულებელი ევროპისა და ევრაზიის საკითხებში, ფილიპ რიკერი, რომელიც 6-13 ივნისს სამხრეთ კავკასიას სტუმრობს, 11 ივნისს თბილისში დაბრუნდა, სადაც საქართველოს პრემიერ-მინისტრ ირაკლი ღარიბაშვილს, საქართველოს კათოლიკოს-პატრიარქ ილია II-ს და ყოფილ პრემიერ-მინისტრ გიორგი გახარიას შეხვდა.
ღარიბაშვილმა Twitter-ზე დაწერა, რომ მხარეებმა რეგიონული უსაფრთხოების საკითხები განიხილეს. მან ხაზი გაუსვა, რომ საქართველო რეგიონში აშშ-ის„სანდო მოკავშირედ“ რჩება.
საქართველოს კათოლიკოს-პატრიარქ ილია II-თან შეხვედრაზე, ფილიპ რიკერმა საქართველოში აშშ-ის მიერ კულტურული მემკვიდრეობის შენარჩუნების კუთხით მიმართულ ძალისხმევაზე, მათ შორის, ჯვრის მონასტერის დაცვის პროექტზე ისაუბრა.
AA/S Reeker toured Georgia’s beautiful 6th Century Jvari monastery where the U.S. is funding the Chubinashvili Centre’s efforts to preserve and protect the iconic monastery for future generations as a symbol of U.S.-Georgian friendship and partnership. @HeritageatState #AFCP pic.twitter.com/ajlaEx7hn6
— U.S. Embassy Tbilisi (@usingeo) June 11, 2021
მოგვიანებით, რიკერი აშშ-ის ელჩთან, კელი დეგნანთან ერთად ყოფილ პრემიერ-მინისტრს, გიორგი გახარიასა და მისი ახალი პარტიის წევრს, კახა ქემოკლიძეს შეხვდა. გახარიას პრესსამსახურის ხნობით, ყოფილმა პრემიერმა შეხვედრაზე საკუთარი პარტიის გეგმებზე ისაუბრა.
აშშ-ის ევროპის სარდლობის პოლიტიკურ მრჩეველთან, ელჩ ადამ სტერლინგთან ერთად, ფილიპ რიკერი საქართველოში ევროკავშირის სადამკვირვებლო მისიის ხელმძღვანელს, მარეკ შჩიგელს შეხვდა, რომელმაც აშშ-ის ოფიციალურ წარმომადგენლებს ოკუპირებულ რეგიონებში უსაფრთხოებისა და ჰუმანიტარული მდგომარეობის შესახებ მიაწოდა ინფორმაცია.
ასევე წაიკითხეთ:
This post is also available in: English (ინგლისური) Русский (რუსული)
