ახალი ამბები

დანიელსონი „ძლიერ“ სამოქალაქო საზოგადოებას აქებს და პოლიტიკურ ლიდერებს საყვედურობს

„როდესაც მე ბრიუსელში დავბრუნდები, იქ ჩემს მტკიცე რწმენას ჩავიტან, რომ ასეთი ძლიერი სამოქალაქო საზოგადოება, როგორიც საქართველოში არსებობს, ერთ დღეს მოახერხებს, რომ ეს ფურცელიც გადაშალოს და წინ წავიდეს თავისი ამბიციური მომავლისკენ“, – განაცხადა საქართველოში პოლიტიკური კრიზისის მედიაციის საკითხებში ევროპული საბჭოს პრეზიდენტის, შარლ მიშელის სპეციალურმა წარმომადგენელმა, ქრისტიან დანიელსონმა 31 მარტს მას შემდეგ, რაც მმართველ პარტიასა და ოპოზიციას შორის რვასაათიანი მედიაცია უშედეგოდ დასრულდა.

მიესალმა რა მედიაციის პროცესში განხორციელებულ ძალისხმევას, დანიელსონმა ხაზი გაუსვა, რომ „არასამთავრობო ორგანიზაციებმა ძალიან სასარგებლო წინადადებები წარმოადგინეს, ხოლო მედიამ პროცესის გაშუქების მაღალი დონე უზრუნველყო, რითაც  პოლიტიკურ ლიდერებს ანგარიშვალდებულს ხდიდა“.

არასამთავრობოების შესახებ განცხადების გაკეთებამდე, დანიელსონმა საქართველოს ხელისუფლებისა და ოპოზიციის ლიდერებს კომპრომისის მიუღწევლობის გამო უსაყვედურა. „ევროპული მისწრაფებების განხორციელებას კომპრომისი ესაჭიროება, განსაკუთრებით ხელისუფლებაში მყოფი პარტიის მხრიდან იმისათვის, რომ ქვეყანა კრიზისიდან გამოვიდეს“, – განაცხადა მან.

„საქართველოს დასავლელი პარტნიორები აქ იმიტომ არ არიან, რომ მხარეებს გამოსავალი გამოუძებნონ“, – აღნიშა მან და ხაზი გაუსვა, რომ ევროკავშირის როლი პოლიტიკურ კრიზისში მედიაციით შემოიფარგლება.

დანიელსონის თქმით, მან მხარეებს გამოსავალი შესთავაზა, რომელიც გულისხმობდა საარჩევნო და სასამართლო რეფორმებს, ასევე პასუხისმგებლობების გადანაწილებას პარლამენტში და „პოლიტიზებულ სასამართლო საქმეებსა და ვადამდელ არჩევნებზე გაჭიანურებული დებატების დასრულებას“. თუმცა, მან სინანული გამოთქვა იმის გამო, რომ მხარეებმა ამგვარი კომპრომისის მიღწევის სურვილი არ გამოხატეს.

ასევე წაიკითხეთ:

This post is also available in: English (ინგლისური) Русский (რუსული)

Back to top button