ლატვიის საგარეო საქმეთა მინისტრი უგულავასთვის პატიმრობის შეფარდების გამო შეშფოთებულია
ლატვიის საგარეო საქმეთა მინისტრმა ედგარს რინკევიჩსმა, ესტონელი და შვედი კოლეგების მსგავსად, უზენაესი სასამართლოს მიერ თბილისის ყოფილი მერისგიგი უგულავასთვის პატიმრობის შეფარდების გამო შეშფოთება გამოხატა.
„საქართველოს უზენაესი სასამართლოს განაჩენი გიგი უგულავას საქმეზე კითხვებს აღძრავს და შეშფოთებას იწვევს“, – დაწერა მინისტრმა 12 თებერვალს Twitter-ზე და დასძინა, რომ „არსებული გარემოებები პოლიტიკური დიალოგის პროცესის განვითარებას ხელს არ უწყობს“.
„სასამართლოს დამოუკიდებლობა და კანონის უზენაესობა საქართველოს ევროპული გზის მთავარი ელემენტებია“, – დასძინა ლატვიის საგარეო საქმეთა მინისტრმა.
Georgia’s Supreme Court verdict in Gigi #Ugulava case raises questions and concern. Circumstances around it are not conducive to advance process of political dialogue. Judicial independence and rule of law are crucial elements of #Georgia’s European path
— Edgars Rinkēvičs (@edgarsrinkevics) February 12, 2020
- ესტონეთი და შვედეთი უგულავასთვის პატიმრობის შეფარდების გამო შეშფოთებას გამოხატავენ
- უზენაესმა სასამართლომ გიგი უგულავა დამნაშავედ ცნო და მას პატიმრობა შეუფარდა
გიგი უგულავას ადვოკატის ინფორმაციით, გადაწყვეტილებას მხარი კოლეგიის ორმა წევრმა – შალვა თადუმაძემ (ყოფილმა გენერალურმა პროკურორმა) და მერაბ გაბინაშვილმა დაუჭირეს, რომლებიც უზენაეს სასამართლოში უვადო მოსამართლეებად ცოტა ხნის წინ დაინიშნენ.
This post is also available in: English (ინგლისური) Русский (რუსული)
