ქართულ–ამერიკული სამხედრო სწავლება

აშშ-ის საზღვაო ქვეითების და საქართველოს შეიარაღებული ძალების ერთობლივი სამხედრო სწავლება ‘Agile Spirit 2012’, რომელიც ვაზიანის სამხედრო ბაზაზე იმართება, ითვალისწინებს მცირერიცხოვანი სამხედრო დანაყოფების ტაქტიკის, ესკორტირებისა და თვითნაკეთი ასაფეთქებელი მოწყობილობების გაუვნებელყოფის ტექნიკის დახვეწას. Agile Spirit ყოველწლიური სამხედრო მომზადებაა და აშშ-საქართველოს სამხედრო თანამშრომლობის ერთ-ერთი კომპონენტია, რომელიც იმ პროგრამასაც მოიცავს, რომლის ფარგლებშიც ქართველი ჯარისკაცები ავღანეთის საერთაშორისო სამშვიდობო ოპერაციაში მონაწილეობისათვის ემზადებიან.