სააკაშვილმა ვეტო დაადო სემეკთან დაკავშირებულ კანონპროექტს

პრეზიდენტმა სააკაშვილმა ვეტო დაადო კანონპროექტს, რომლის მიხედვითაც, ძალაში შესვლის შემთხვევაში, საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) თავმჯდომარეს და წევრებს თანამდებობაზე პრეზიდენტის ნაცვლად, პრემიერ-მინისტრი დანიშნავს.

პარლამენტმა კანონპროექტი 12 ივნისს დაამტკიცა.

ენერგეტიკის სამინისტროს მიერ შემოთავაზებული კანონპროექტის თანახმად, სემეკის 5 წევრს ექვსი წლის ვადით თანამდებობაზე ნიშნავს და ათავისუფლებს პრემიერ-მინისტრი, რომელიც ამ წევრებიდან ერთ-ერთს კომისიის თავმჯდომარის პოსტზეც ნიშნავს.

სემეკის ამჟამინდელ ხელმძღვანელს გურამ ჩალაგაშვილს, რომელსაც ეს თანამდებობა 2007 წლიდან უკავია, უფლებამოსილების ვადა აგვისტოში ეწურება.

This post is also available in: English (ინგლისური) Русский (რუსული)