“საქსტატი” 2012 წლის მშპ–ს წინასწარ მონაცემებს აქვეყნებს

„საქსტატის“ მიერ 30 იანვარს გამოქვეყნებული წინასწარი მონაცემების თანახმად, 2012 წელს რეალური მთლიანი შიდა პროდუქტის წლიურმა ზრდამ 6,1% შეადგინა.
 
საქართველოს ეკონომიკური ზრდა 2012 წლის ბოლო კვარტალში 2.5%–მდე შემცირდა წინა წლის შესაბამის პერიოდთან შედარებით. 

მშპ-ის რეალურმა ზრდამ 2012 წლის ოქტომბერში, წინა წლის შესაბამის პერიოდთან შედარებით, 5.2% შეადგინა; ნოემბერში – 3%, ხოლო დეკემბერში 0.8%-იანი ვარდნა იყო, იტყობინება „საქსტატი“. 

„საქსტატის“ წინასწარი მონაცემების თანახმად, პირველ კვარტალში მშპ–ს რეალურმა ზრდამ 6.7% შეადგინა წინა წლის შესაბამის პერიოდთან შედარებით; მეორე კვარტალში 8.2%–ით გაიზარდა, ხოლო მესამე კვარტალში ზრდამ 7.5% შეადგინა.

This post is also available in: English Русский