სეპარატისტული სამხრეთ ოსეთის ცესკომ მეორე ტური ‘ჩატარებულად’ გამოაცხადა

სეპარატისტული სამხრეთ ოსეთის ცენტრალურმა საარჩევნო კომისიამ განაცხადა, რომ კვირას გამართული საპრეზიდენტო არჩევნების მეორე ტური ჩატარებულად ცხადდება, ვინაიდან ადგილობრივი დროით 14:00 საათისთვის ამომრჩეველთა 47%–ზე მეტმა მისცა ხმა.

მეორე ტურის ჩატარებულად გამოცხადებისთვის საჭირო 30%–იანი ბარიერი შუადღისთვის იქნა გადალახული, განაცხადა ცესკომ. 

სეპარატისტული რეგიონის უშიშროების სამსახურის ყოფილი უფროსი ლეონიდ თიბილოვი, რომელმაც პირველ ტურში 42%–ზე მეტი მოიპოვა, კვირის მეორე ტურში ადამიანის უფლებათა საკითხებში სამხრეთ ოსეთის ლიდერის სპეციალურ წარმომადგელებს დავიდ სანაკოევს უპირისპირდება, რომელმაც ორი კვირის წინ გამართულ პირველ ტურში 24%–ზე მეტი ხმა მიიღო.