ბულგარეთის პრემიერ–მინისტრი საქართველოს სტუმრობს

ბულგარეთის პრემიერ–მინისტრმა ბოიკო ბორისოვმა კვირას საქართველოში ორდღიანი ვიზიტი დაიწყო, რის შემდეგაც იგი სომხეთში გაემგზავრება.

საქართველოს პრემიერ–მინისტრმა ნიკა გილაურმა განაცხადა თბილისში 1 აპრილს თავის ბულგარელ კოლეგასთან გამართული მოლაპარაკებების შემდეგ, რომ საქართველოს და ბულგარეთს „ბევრი აქვს საერთო, მათ შორის ერთ–ერთი უმნიშვნალევანესი რაც არის, ეს არის რუსეთთან ურთიერთობები“.

„მან [ბულგარეთმა] პირადად მიიღო ორი მნიშვნელოვანი გადაწყვეტილება – ერთია გააჩეროს რუსეთის დაფინანსებული ალექსანდოპოლის–ბურგასის ნავთობსადენის მშენებლობა და გააჩეროს ატომური სადგურის მშენებლობა, რომელიც ასევე რუსული დაფინანსებით მიმდინარეობდა. ამ მხრივ, გეოპოლოტიკური გადაწყვეტილებების მხრივ, რა თქმა უნდა, ძალიან ბევრი საერთო გვაქვს“, – განაცხადა გილაურმა.

„ძალიან კარგი საერთო პროექტები იგეგმება ჩვენს სახელმწიფოებს შორის; ეს არის ლიკვიდური ნატურალური გაზის ექსპორტი საქართველოს გავლით ბულგარეთში; ეს არის ელექტროენერგიის ექსპორტი თურქეთის გავლით ბულგარეთში“, – განაცხადა გილაურმა. 

1 აპრილს ბულგარეთის პრემიერ–მინისტრი პრეზიდენტ სააკაშვილს შეხვდა.