ახალი ამბები
რუსეთის თავდაცვის სამინისტრო უარყოფს საქართველოს საჰაერო სივრცის დარღვევას
რუსეთის თავდაცვის სამინისტრომ უარყო თბილისის ბრალდება, რომ რუსულმა სამხედრო ვერტმფრენებმა საქართველოს საჰაეროს სივრცე დაარღვიეს 7 სექტემბერს.
“რუსეთის ფედერაციის სამხედრო-საჰაერო ძალების ავიაციას არ განუხორციელებია ფრენები რუსეთ–საქართველოს საზღვარზე სოფელ შატილთან, ტანიეს ხეობაში“, – ნათქვამია რუსეთის თავდაცვის უწყების მიერ 8 სექტემბერს გავრცელებულ განცხადებაში.
“სამხედრო დანიშნულების საავიაციო ტექნიკის ფრენები ობიექტური კონტროლის საშუალებებით ფიქსირდება და ხორციელდება საერთაშორისო საჰაერო სივრცის გამოყენების საერთაშორისო წესებთან მკაცრ შესაბამისობაში, სხვა ქვეყნის საზღვრის დარღვევის გარეშე“, – ნათქვამია განცხადებაში.