ახალი ამბები
უკრაინის საგარეო საქმეთა მინისტრი საქართველოს სტუმრობს
პრეზიდენტი სააკაშვილი უკრაინის საგარეო საქმეთა მინისტრს კონსტანტინე გრიშჩენკოს დღეს ბათუმის ახლადგახსნილ იუსტიციის სახლში შეხვდა.
"მხარეებმა განიხილეს საქართველო-უკრაინის ორმხრივი და მრავალმხრივი თანამშრომლობის აქტუალური საკითხები და ორ ქვეყანას შორის არსებული ურთიერთობის შემდგომი განვითარებისა და გაღრმავების პერსპექტივები“, – იტყობინება პრეზიდენტის ადმინისტრაციის პრესსამსახური.
ორდღიანი ოფიციალური ვიზიტის ფარგლებში უკრაინის საგარეო უწყების ხელმძღვანელი შეხვედრებს გამართავს ასევე საქართველოს პრემიერ–მინისტრთან ნიკა გილაურთან, ქართველ კოლეგასთან გრიგოლ ვაშაძესთან და კათოლიკოს-პატრიარქთან ილია მეორესთან.