გალში აფეთქებას სამი ადამიანი ემსხვერპლა

29 იანვარს გალში მომხდარი აფეთქების შედეგად ადგილობრივი მილიციელი და ორი სამოქალაქო პირი, მათ შორის ერთი ქალი გარდაიცვალა, იუწყებიან რუსული და აფხაზური სააგენტოები.

ოთხი მილიციელი და სამი სამოქალაქო პირი სოფელ ჭუბურხინჯში მომხდარი აფეთქების შედეგად დაჭრილია.  

”ეს მიზანმიმართული აქციაა გალის მილიციის თანამშრომლების წინააღმდეგ, რადგან ისინი გამოიძახეს სოფელ ჭუბურხინჯში მარტოხელა ქალის სახლზე მომხდარი ყაჩაღური თავდასხმის გამო და მისვლისთანავე ისინი აფეთქდნენ ეზოში შემთხვევის ადგილას. ერთი რამ ცხადია, რომ ეს  ოპერაცია დაგეგმილი იყო გალის რაიონში დესტაბილიზაციის მიზნით, ”- იუწყება ”რია ნოვოსტი” სეპარატისტული აფხაზეთის შს მინისტრის, ოთარ ხეციას სიტყვებზე დაყრდნობით.

სეპარატისტულმა ხელისუფლებამ საქმე ”ტერაქტის” მუხლით აღძრა.

This post is also available in: English (ინგლისური) Русский (რუსული)