რუს ჯარისკაცს დეზერტირობაში დასდეს ბრალი

რუსეთის მთავარი სამხედრო პროკურატურა სერჟანტ ალექსანდრე გლუხოვს, რომელმაც იანვარში დატოვა ახალგორში განთავსებული რუსული სამხედრო ნაწილი და საქართველოს ხელისუფლებას თავშესაფარი თხოვა, დეზერტირობაში სდებს ბრალს.

”მის საქმესთან დაკავშირებით დეზერტირობაზე აღვძარით [საქმე],”- განუცხადა ”რია ნოვოსტის” 17 მარტს რუსეთის მთავარმა სამხედრო პროკურორმა სერგეი ფრიდინსკიმ.

თავდაპირველად, რუსული მხარე ირწმუნებოდა, რომ გლუხოვი ქართველმა სამართალდამცავებმა გაიტაცეს; ასევე გამოთქვა ვარაუდი, რომ გლუხოვი აიძულეს სატელევიზიო მიმართვა გაეკეთებინა თავშესაფართან დაკავშირებით.  თავად გლუხოვი, რომელიც კვლავაც საქართველოს აფარებს თავს,  აცხადებდა, რომ მან სამხედრო ნაწილი ცუდი პირობების გამო დატოვა.

This post is also available in: English (ინგლისური) Русский (რუსული)