
ახალი ამბები
აფხაზეთი საერთაშორისო საზოგადოებას აღიარებას სთხოვს
აფხაზეთის თვითგამოცხადებული რესპუბლიკის პარლამენტმა 7 მარტს საერთაშორისო საზოგადოებას მისი დამოუკიდებლობის აღიარების თხოვნით მიმართა, იტყობინება ”აფსნიპრესი”.
აფხაზეთის დე ფაქტო პარლამენტმა ორი განცხადება მიიღო – ერთში იყო მოწოდება რუსეთის პარლამენტისადმი და მეორეში – გაეროს გენერალურ მდივნისადმი, დსთ-ს და მსოფლიოს ლიდერებისადმი.
”აფხაზეთის რესპუბლიკის საერთაშორისო აღიარება ხელს შეუწყობს მშვიდობას და სტაბილურობას კავკასიაში,” – ნათქვამია მიმართვაში საერთაშორისო საზოგადოებისადმი.
ანალოგიური მიმართვა სამხრეთ ოსეთის სეპარატისტულმა ხელისუფლებამაც გააკეთა. ამ მიმართვებს რუსეთის სახელმწიფო სათათბირო 13 მარტს განიხილავს.