ახალი ამბები
ეგზით პოლის შედეგები 22 საათისთვის გამოქვეყნდება
ეგზით პოლის შედეგები დაახლოებით 22 საათისთვის გამოქვეყნდება, ნაცვლად ადრე გამოცხადებული 20 საათისა, განაცხადა ”რუსთავი 2”-მა და გადადების მიზეზად ”უამინდობა” დაასახელა.
”რუსთავი 2” ტელეკომპანიებთან – ”მზე”, საზოგადოებრივი მაუწყებელი და აჭარის ტელევიზია – ერთად დამკვეთია ეგზით პოლების, რომელსაც ოთხი ორგანიზაცია: მშვიდობის, დემოკრატიისა და განვითარების კავკასიური ინსტიტუტი, ილია ჭავჭავაძის სახელობის უნივერსიტეტი, საქართველოს საზოგადოებრივ საქმეთა ინსტიტუტი (GIPA) და საქართველოს სტრატეგიული და საერთაშორისო კვლევის ფონდი (GFSIS) ახორციელებს.
ოპოზიციონერი კანდიდატების შტაბებმა წინასწარ გამოუცხადეს უნდობლობა ეგზით პოლებს.
