ხაინდრავა მოსკოვში გაემგზავრა

სახელმწიფო მინისტრი კონფლიქტების მოგვარების საკითხებში გიორგი ხაინდრავა დღეს მოსკოვში გაემგზავრა, სადაც შეხვედრებს გამართავს რუსეთის საგარეო საქმეთა სამინისტროს და უშიშროების საბჭოს წარმომადგენლებთან.

გიორგი ხაინდრავას განცხადებით, მოსკოვში განიხილება კონფლიქტის ზონებში [ქართულ-ოსური, ქართულ-აფხაზური] არსებული “გართულებული“ მდგომარეობა.

“განიხილება კონფლიქტის ზონებში დაწყებული მილიტარიზაციის პროცესი. განსაკუთრებით კი სამხრეთ ოსეთში, რაც ეწინააღმდეგება მხარეებს შორის დემილიტარიზაციის შესახებ მიღწეულ შეთანხმებას “, – განუცხადა გიორგი ხაინდრავამ 9 სექტემბერს ჟურნალისტებს მოსკოვში გამგზავრებამდე.

This post is also available in: English (ინგლისური) Русский (რუსული)