ბუშმა საქართველოში აშშ–ს ახალი ელჩი დაასახელა

აშშ-ის პრეზიდენტმა ჯორჯ ბუშმა ჯონ ტეფტი საქართველოში ამერიკის შეერთებული შტატების ახალ ელჩად დაასახელა, იტყობინება აშშ-ის პრეზიდენტის პრეს-მდივნის ოფისი 17 მაისს.

ჯონ ტეფტი ამჟამად აშშ-ის სახელმწიფო მდივნის მოადგილის თანაშემწეა ევროპისა და ევრაზიის საკითხებში.

მანამდე ჯონ ტეფტს აშშ-ის ეროვნულ სამხედრო კოლეჯში საერთაშორისო საქმეთა მრჩევლის თანამდებობა ეკავა. იგი ასევე მსახურობდა აშშ-ის ელჩად ლიტვაში.

აშშ-ის ახლანდელ ელჩს რიჩარდ მაილსს, რომელიც საქართველოში 2002 წლის აპრილიდან მსახურობს, როტაციის ვადა გაუვიდა.

This post is also available in: English (ინგლისური) Русский (რუსული)