ახალი ამბები
პარლამენტი ავღანეთში ქართველი ჯარსკაცების გაგზავნის თაობაზე პრეზიდენტს თანხმობას აძლევს
საქართველოს პარლამენტმა დღეს მიიღო დადგენილება თავდაცვის სამინისტროს საჩხერის მე-16 სამთო ბატალიონის 50 ჯარისკაცისა და ოფიცრის ავღანეთში გაგზავნის თაობაზე.
ქართველმა ჯარისკაცებმა უკვე გაიარეს ორკვირიანი წინასწარი მოსამზადებელი კურსები გერმანიაში, რის შემდეგაც, ისინი ავღანეთში სამშვიდობო მისიის განხორციელებას შეუდგებიან.
საჩხერის მე–16 სამთო ბატალიონის ჯარისკაცებს გავლილი აქვთ აშშ–ის დაფინანსებული “წვრთნისა და აღჭურვის“ პროგრამა და ასევე, ბრიტანელი სამხედრო ინსტრუქტორების მიერ ჩატარებული სწავლებები სამშვიდობო ოპერაციების წარმართვის კუთხით.
ქართველი ჯარისკაცები ავღანეთში 100 დღის განმავლობაში დარჩებიან.
