ახალი ამბები
„ეგზით პოლების“ შედეგებით, ამომრჩეველთა აქტივობამ 20% შეადგინა
ფონდი „ღია საზოგადოება – საქართველოს“, საოციოლოგიური კვლევის ცენტრი BCG-ს და ილია ჭავაჭავაძის სახელობის ენისა და კულტურის უნივერსიტეტის მიერ ჩატარებული „ეგზით პოლების“ შედეგების მიხედვით, 12 საათისთვის ამომრჩეველთა აქტივობამ 20% შეადგინა, რაც 4 იანვრის საპრეზიდენტო არჩევნების დროს დაფიქსირებული შედეგის ანალოგიურია.
მათი ინფორმაციით, 20%-დან 16% აღებულია წინასწარ რეგისტრირებულ ამომრჩეველთა რაოდენობიდან, 4% კი იმ ამომრჩეველთა რაოდენობიდან, რომელთაც რეგისტრაცია დღეს გაიარეს.
ამომრჩეველთა მაღალი აქტივობა შეიმჩნევა რაჭასა და სამცხე-ჯავახეთში. დაბალი აქტივობაა თბილისში, ქვემო ქართლსა და კახეთში.
„ეგზით პოლების“ შედეგები და არჩევნებში მონაწილე პარტიების რეიტინგები საარჩევნო უბნების დახურვის შემდეგ გახდება ცნობილი.