ახალი ამბები
გერმანიის გენშტაბის ინსპექტორი საქართველოს სტუმრობს
(თბილისი, 24 აპრილი, “სივილ ჯორჯია”) – გერმანიის ფედერალური ძალების გენერალური შტაბის ინსპექტორი და ნატო-ს სამხედრო კომიტეტის თავმჯდომარე გენერალი ჰერალდ ჰუიატი 24-დან 26 აპრილამდე საქართველოს სტუმრობს. ვიზიტისას განხილული იქნება საქართველოსა და გერმანიის სამხედრო უწყებებს შორის ორმხრივი თანამშრომლობის საკითხები, – იუწყება თავდაცვის სამინისტრო. საქართველოში ნატო-ს წარმომადგენლის ყოფნისას ასევე საერთაშორისო ტერორიზმთან ბრძოლაში საქართველოს თავდაცვის სისტემების განსავითარებლად გერმანიის მხრიდან მხარდაჭერის საკითხებიც განიხილება.