სტრასბურგის სასამართლომ დაადგინა, რომ საქართველომ 2020 წელს შეშის გამო დაკავებით აქტივისტების უფლებები დაარღვია
ადამიანის უფლებათა ევროპულმა სასამართლომ დაადგინა, რომ საქართველომ 2020 წლის არჩევნების შემდგომი საპროტესტო აქციების დროს დაკავებული მოძრაობა „სირცხვილიას“ ორი აქტივისტის საქმეზე სამართლიანი სასამართლოსა და შეკრების თავისუფლების უფლებები დაარღვია.
ორი აქტივისტი, გიორგი მჟავანაძე და ნოდარ რუხაძე, 2020 წლის 9 ნოემბერს, COVID-19-ის კომენდანტის საათის დაწყებამდე დააკავეს, წვრილმანი ხულიგნობისა და პოლიციის კანონიერი ბრძანებისთვის დაუმორჩილებლობის ადმინისტრაციული ბრალდებით. გავრცელებული ინფორმაციით, ერთ-ერთი მათგანი პარლამენტის მახლობლად მომიტინგეებისთვის შეშის მიწოდებას ცდილობდა, რათა ისინი გამთბარიყვნენ. მჟავანაძეს 3-დღიანი ადმინისტრაციული პატიმრობა მიესაჯა, ხოლო რუხაძეს 1500 ლარის ჯარიმა დაეკისრა.
ადამიანის უფლებათა ევროპულმა სასამართლომ საქართველოს რუხაძისთვის მატერიალური ზიანის ასანაზღაურებლად 529 ევროს, ხოლო არამატერიალური ზიანის ასანაზღაურებლად 1600 ევროს გადახდა, ხოლო მჟავანაძისთვის არამატერიალური ზიანის ასანაზღაურებლად 1200 ევროს გადახდა დააკისრა.
This post is also available in: English